|
Modus Operandi ti Panang-allilaw Dagiti Illegal nga Recruiters |
|
|
|
- ESCORT SERVICE – dagiti trabahadores nga awan ti husto wenno pudpudno nga papeles da a mapan ballasiw taw ket kutogen sa sadiay airport wenno aniaman a mabalin a paruaran nga mapan abroad tapno malisianda wenno malusutan da dagiti “checkpoints” nga agrikasa kadagiti papeles da.
- TOURIST-WORKER SCHEME – dagti trabahadores nga pumanaw ditoy Pilipinas ket agpamarang a kas tourista laeng ngem ti kinapudnona, agtrabaho da met gayam sadiay abroad.
- ASSUMED IDENTITY – dagiti trabahadores a nangnangruna dagiti ub-ubbing pay (menor de edad) ket ibaonda nga agtrabahoda sadiay abroad ket ipausar da ti sabali a nagan wenno sabali ti akemen da a kinatao da.
- DIRECT HIRING – dagiti trabahadores nga al-allaen da nga diretso ti maysa nga amo (employer) sadiay abroad nga saan a pulos dumalan iti lisensiado a recruiting agency ti Pilipinas ket pagtrabahoen da sadiay nga saan a kumpleto wenno pudpudno ti dokumentos wenno papeles ken awan ti proteksion da.
- TRAINEE-WORKER SCHEME – dagiti napili nga trabahadores nga maibaon da sadiay abroad nga saan kano nga agtrabaho ngem agtraining wenno agsanay da laeng ti aramiden da ken agsubili danto me laeng iti kompania nga nangibaon kadakuda kalpasan iti naituding nga panagsanay da.
- BACKDOOR POINTS SCHEME – dagiti trabahadores ket maibaon sadiay abroad nga saan nga aglugan ti gagangay nga panaglugan a kas koma sadiay airport ngem kadawyan cargo ship ti pangiluganan da.
- TIE-UP SYSTEM – dagiti saan nga lisensiado nga recruiters nga adda kadua da nga ahente “principal”sadiay abroad nga “blacklisted” wenno adda madi a records da ket usaren da ti nagan ken opisina dagiti lisensiado nga “recruiting agency” iti saan nga legal nga aramid da.
- VISA ASSISTANCE/CONSULTANCY SCHEME – op-opsina nga mangipaay iti serbisyo a makaaka iti visa a mapan abroad kannayon iti panangiparis iti trabahador (employer) sadiay abroad ken mangikari nga “immigrant visa” ti maited ngem kinapudnuan ne ket pagnegosyuan da ti agala iti trabahador.
- BLIND ADS SCHEME – dagiti trabahadores ket maal-lukoy da nga agipatulod iti kuarta babaen iti Post Office Box uray dida pay nakit-kita wenno nakaskasao a personal diay tao nga agrekruit.
|
